also. vielleicht bini doch a bissl grantig. ups. und mia geht so vü duachn schel i woas nid wo i oufounga sui. und i wü mi hiatz goa nid beschweren, i wü nia dassd a bissl woasd wos in mir vorgeht.
i finds oasch, dass du va mia eawoatst, dass i wos moch und kou wosd du nid schoffst. zb iwa gefühle reidn. glaubst fia mi is die Situation do grod so leiwand? i gib wirklich mei bestes fia di do zum sei, wirklich. i wü da höffa. owa es kimd iagntwia nix. i muis da ois aus da nosn zahn und oida deis kost kroft. und doun drahtsi ois nia um di, wia schlecht wos dia nid geht. i hed mi wiakla gfreid, wennst iagntwoun gfogt hedst, wias mia geht. i finds oasch, dass i hiatz di stoaki sei muis, obwohl i di verletzte bin. und es mocht mi traurig, dassd nid wüst dass ma aufhean zum schreim, owa doun kimd nid wiakla wos va deina seitn.
und i wü mas echt ned verscherzen mid dia und scha goa ned wali ehrlich bin. i hob scha uamoi in fehler (anscheinend) gmocht und hob iwa meine Gefühle greid und doun howi di verletzt und danoch woas aus. i wü di ned verliern, ned nou mea wiaris eh scha hob. i vakroft deis nid.
du sogst, es muis va mia keima. hob i scha jemois freiwillig iwa meine Gefühle va mia aus greid? na. und hiatz auf uamoi suiris dua? meh. Interesse zoagst neimla Kuans. also i hob ned das gfü dass di wirklich intressiern dad wias ma geht. vui verständlich, du host mid deim eigenen kas zkämpfen. vastehri jo eh. owa trotzdem kuntast a bissl mehr offensiver sei. geistan wiari gschiem hob, dasi mi grod um meine eigene scheiße kümmern muis, is nid keima „wos is leicht“ oda „warum“ sondern eher nia dasi mi rian kou. jo na no na ned wos duiridn leicht? eh vui liab dassd anbietest dasi mi ba dia ausrean kou owa wia gsogt, i woas ned ob du da richtige bist.
i brauch di ned beschützen sogst. doun dama skypen, bitte. i dad mi sooo gfrein. 1) walst ma vui ogehst. 2) wal ma doun gscheid iwa ois noumoi reidn kuntn. 3)
i woas dass deis fia di nid leicht is. fia mi a nid. owa mi dads gfrein.
du megst wissen wias ma geht? grottenschlecht.
- i drah duach dahuam. i hoid deis nid aus. i brauch an rückzugsort.
- mia is fad. i hob NICHTS zu tun. deis mocht mi fertig.
- i suit zum oazt, wirklich. ned nua weing mein durchfall, sondern weing meina Psyche. Rebecca hod ma geraten, i sui mi krank schreiben lossn. i hob di kroft ned bam oazt ouzumruafa. vorallem wegen corona. i trau mi ned.
- deis mid dia mocht ma zuschaffen. i wü da höffa und i wü do sei, i woas ned ob is nou loung schoff.
- es mocht mi fertig, dass sie so happy is mid dia dass wü dasd ba ia eiziagst
- und es mocht mi fertig, dassd du ned ehrlich zu ihr bist.
- ich liebe dich. i hob deis echt oft gsogt zu dir in letztzer zeit. wals so is. und a deis belastet mi. egal wosd auffiast, das positive gfü zu dia überwiegt immer wieder. ba mia kämpft grod da schel midm bauch. i woas dassd a oasch bist owa lieben duiri di trotzdem. und aus erfahrung woasi, es gwinnt da bauch.
vasetz di moi kurz in mei lage. eh bini ned happy in da Diözese, doun mocht mei freind plötzlich schluss, doun muisi dahuam bleim und hob kua Ablenkung mea va deim gounzn chaos. doun woas nidamoi wea wos va deim chaos, niamst aussa du. und di krone vll owa dei woas a nid ois. und doun kimst du dahea und belastest mi nou mid deim kas. (i sogs noumoi, i bin gern dei Person dei da hüft, wirklich!!) es is ois scheiße. und doun howi nou das gfü dass i da eigentlich recht scheiß egal bin, walst nur gounz kurze sochn zruckschreibst und i das gfü hob i bin da eigentlich egal. i vasteh scha, dassd andere Prioritäten host, es mocht mi trotzdem fertig.
i wü eigentlich goa nid mid ia oufounga,
owa
wos hod si wos i nid hob?
i vasteh nid, wennst mi wirklich geliebt host (wosi glaub) wiasd so schnö wida in dei leben lossn kounst bzw wiasd mi so schnö aufgeim kounst.
24.03.2020 | 19:50 | binabina
schhhpch, a großes.
binablog 